Табиғат аясына саяхат жасап, қоршаған ортаны қорғауды мақсат еткен – экотуризм бағыты Денисов ауданында дамуда. Осы бағытта «Шаңырақ» демалыс базасы ашылып, тұрғындар игілігіне қызмет етуде.
Мемлекеттік қолдау арқылы кәсібін кеңейткен азаматтардың бірі Александр Кузменко. Жеке кәсіпкер «Даму» қорының қолдауымен туристік бағыттағы «Шаңырақ» демалыс базасын ашты. Жобаның жалпы құны 500 млн теңге. Бүгінде база жұмыс істеп тұр және он адамды тұрақты жұмыспен қамтуда.
– Демалыс базасында алты «Рыбацкая деревня» үйі, жуынатын және киім ауыстыратын бөлмелер, демалатын бөлмелер, асхана, сегіз гриль-аумағы, 5500 шаршы метрлік екі жағажай, «Компас» аумағы, қоғамдық дәретхана салынды. Катамаран жалға беру қызметі бар. Биылдыққа «Шаңырақ» базасына бес мыңнан астам адам келіп демалды,-деді демалыс базасының директоры Александр Кузьменко.
Аталмыш демалыс орны Рудный-Қарабұтақ трассасының 148-ші шақырымында Жоғары Тобыл су қоймасында орналасқан. Бұл жерде жазда суға шомылып, қыста балық аулауға болады. Денисов тұрғындарымен қатар жақын маңдағы аудан, қалалардың адамдары да осында келіп демалыс күндерін қызықты өткізіп жүр. Қостанай облысының әкімі Құмар Ақсақалов былтыр жазда «Шаңырақ» базасына келгенде өте жоғары баға берген еді. «Нысандар дәл осындай болу керек. Бұл жерде бәрі жоғары деңгейде жасалған» деп «Шаңырақты» үлгі еткен-ді.
Биылғы жылдың 1-маусымындағы дерек бойынша Денисов ауданында 773 шағын және орта бизнес субъектісі тіркелген. Ал былтыр 755 кәсіп иесі бартын. Оның 180-і жас кәсіпкер. Яғни, жалпы кәсіпкерлердің 23,4%-і жастар. Бұл өте тамаша көрсеткіш.
– 2024 жылы субсидиялау бағдарламасы аясында жеті жоба мемлекеттік қолдауға ие болды. 77 адам «Бастау-Бизнес» бағдарламасымен оқып, кәсіпкерліктің қыр-сырымен танысты,-деді аудандық кәсіпкерлік бөлімінің сектор меңгерушісі Дәулет Алпысов.
Денисов ауданында кәсіп бастауға ынталы жастардың көбейіп келе жатқаны қуантады. Бизнес дамыса жаңадан жұмыс орындары ашылып, қазынаға түсетін салық көлемі де ұлғаяды. Сондықтан, шағын және орта бизнеске көптеген мемлекеттік қолдаулар жасалуда.
Қымбат ДОСЖАНОВА
Суретті жолдаған Александр Кузьменко.
Формирование правового государства и воспитание ответственных, активных граждан — стратегические ориентиры, о которых неоднократно подчеркивает…
Денисов ауданының параспортшысы Светлана Иржанова Жапонияның Аичи-Нагоя қаласында өтіп жатқан Азия Пара ойындарында Қазақстан құрамасының…
В Костанайской области начался пятый сезон Костанайской любительской хоккейной лиги (КЛХЛ). (далее…)
История успеха у каждого своя, но самые вдохновляющие сюжеты всегда рождаются там, где сочетаются верность…
№3 Денисов жалпы білім беретін мектебінің шәкірті Мағжан Асқар болашағынан зор үміт күттіретін спортшы жас.…
Денисов ауданында медицина ұйымдарының техникалық-материалдық базасын нығайту жалғасуда. Бұл туралы аудан әкімі халықпен есептік кездесуінде…
This website uses cookies.