Ол 2021 жылы «Сыбаға» мемлекеттік бағдарламасымен 30 млн теңге несие рәсімдеп, 52 сиыр, үш бұқа сатып алған. Тынымсыз еңбек пен дұрыс күтімнің арқасында мал басы еселенді.
Бүгінде Марат ағай ауылда мал шаруашылық базасын салып алған. Былтыр үй тұрғызды. Еңбекқор жан жем-шөпті де өзі дайындап, шаруашылықтың барлық жұмысын тиянақтылап отырады. Шалғай ауыл тұрғыны қазақтың ақбас сиырын өсіріп, бағып, көбейтуде.
-Биыл ет бағасы көтеріліп, шаруалардың еңбегі ақталуда. Бұған дейін алып сатарлар бізден малды арзанға алатын. Соңғы уақыттары ірі қара етінің құны өсіп, еңбек адамдарына жақсы пайдасын тигізуде. Наурыз-сәуір айларынан бастап малды далаға шығарамын. Қараша-желтоқсан айларында қайтадан қолға ұстаймын. Қыста малшылар аламын. Жазда өзім бағамын. Екі ұлым бар. Екеуі де Ресейге барып-келіп, ауысыммен жұмыс істейді. Демалыс уақыттарында үйге келіп, көмектеседі. Жітіқарада тұратын інім бар. Ол да келіп жәрдемдеседі,-деді Марат Жалғасов.
Шаруа биыл шөп шабу науқанын ойдағыдай аяқтапты. 130 тоннадай шөп түсірген. Мал азығын дайындаудың өзі қажырлы еңбек пен күшті талап етеді. Шаруаның шашауын шығармай, адал еңбекпен несібесін тауып жүрген азамат қаншама адамға үлгілі ой салады.
Тоқсаныншы жылдардағы тоқырау кезеңінде совхоз, колхоздар жабылып, алыс ауылдардың халқы қалаға үдере көшкені белгілі. Мінекей, сол кезде біздің кейіпкеріміз көппен бірге Лисаков жағына қарай қоныс аударады. Алайда, туған жерге деген сағынышы уақыт өткен сайын үдей түседі. «Өзге елде сұлтан болғанша, өз еліңде ұлтан бол» деген өсиет бар қазақта. Бабадан қалған асыл сөз азаматтың көкейіне ой салып, туған жерге қайта айналып келуге итерлейді. Ол жиырма бес жылдай Лисаков қаласында тұрып, 2004 жылы туған жері Имановқа оралады.
-Иманов – менің ата қонысым. Ата-бабамның зираты осында. Қалада жүріп ауылды сағындым. Содан туған жерге қайтадан келуге бел байладым. Несие алған соң бірден мал ұстайтын база салдым. «Сабақты ине сәтімен» дегендей, бәрі қалпына келе жатыр,-деді Марат Жалғасов.
Қымбат ДОСЖАНОВА
Сурет Денисов ауданы әкімдігінің инстаграм парақшасынан алынды.
Суретте Марат Жалғасов еңбекқор шаруа
Формирование правового государства и воспитание ответственных, активных граждан — стратегические ориентиры, о которых неоднократно подчеркивает…
Денисов ауданының параспортшысы Светлана Иржанова Жапонияның Аичи-Нагоя қаласында өтіп жатқан Азия Пара ойындарында Қазақстан құрамасының…
В Костанайской области начался пятый сезон Костанайской любительской хоккейной лиги (КЛХЛ). (далее…)
История успеха у каждого своя, но самые вдохновляющие сюжеты всегда рождаются там, где сочетаются верность…
№3 Денисов жалпы білім беретін мектебінің шәкірті Мағжан Асқар болашағынан зор үміт күттіретін спортшы жас.…
Денисов ауданында медицина ұйымдарының техникалық-материалдық базасын нығайту жалғасуда. Бұл туралы аудан әкімі халықпен есептік кездесуінде…
This website uses cookies.