29-30 наурыз күндері Қостанай ауданы Заречный ауылындағы «Арғымақ» ипподромында көкпардан Қостанай облысының ашық чемпонаты өтті. Осы додаға Досов және Жалтыркөл ауылдарының жігіттерінен құралған команда ауданымыздың атынан қатысып, жоғары деңгейде өнер көрсетті.
Чемпионатқа облысымыздың аудан, қалаларынан іріктеліп, арнайы жасақталған он екі команда қатысты. Көкпаршылардың жарысқа мықты дайындықпен келгендерін аңғару қиын емес еді. Құрыш білекті, батыл жүректі жігіттер ә дегеннен ойынды тартысты бастады. Ойын кестесіне сәйкес он екі команда үш-үштен 4 топқа бөлінді.
Денисов ауданының көкпаршылары екінші топта Жітіқара және Арқалық қаласының командаларымен ойнады. Жарыстың бірінші күнінде Денисов ауданының көкпар командасы Жітіқара ауданының көкпаршыларын 2:0 есебімен жеңді. Біздің жігіттер екінші ойында Арқалық командасын 4:0 есебімен ұтып, жартылай финалға жолдама алды. Келесі күні жартылай финалда Денисов ауданының құрама командасы мен Әуликөл ауданының командалары бақ сынасып, біздің жігіттер 2:0 есебімен екінші орынға ие болып, күміс жүлдені жеңіп алды.
Көкпардан Қостанай облысының ашық чемпионатында күміс жүлдегер атанған Денисов ауданының құрама командасы:
Мұстафин Дидар, тұлпарының аты «Аспархан»
Мұстафин Бақтияр, тұлпарының аты «Жемчуг»
Қаспаев Дали, тұлпарының аты «Глобус»
Жұмағұлов Айдос, тұлпарының аты «Малыш»
Сүлейменов Рүстембек, тұлпарының аты «БТР»
Бірімжанов Дамер, тұлпарының аты «Браслет»
Ибрагимов Нұрлан, тұлпарының аты «Хан»
Аманов Марат, тұлпарының аты «Мерген»
Сүлейменов Беслан, тұлпарының аты «Құмар»
Бердібаев Нағашыбай, тұлпарының аты «Лексус»
Мұстафин Ермек ағамыз,
Оразов Күмісбек, тұлпарының аты «Жұлдыз».
Дәл осы күні аударыспақтан Қостанай облысының чемпионаты да өтті. Ауданымыздың мақтанышы, белгілі шабандоз, мықты спортшы Дидар Мұстафин қатысып, аударыспақ ойынында қола жүлдені жеңіп алды. Денисов ауданының шабандоздарын бүгінгі жеңісімен құттықтаймыз!
Қымбат ДОСЖАНОВА
Забота о родном крае, благоустройство и наведение порядка для сельчан давно стали не просто разовыми…
На масштабных соревнованиях представительная делегация — более 100 спортсменов отстаивали честь района в самых разных…
Денисов ауданында өлке табиғатын, көрікті жерлерін жас ұрпаққа таныстыру мақсатында «Юный турист» үйірмесі жұмыс істейді.…
В завершающий день Международной специализированной выставки-демонстрации «Казахстанский День поля – Jańa Dala / Green Day…
С июня в Денисовском районе стартовал новый сезон трудового отряда «Жасыл Ел». (далее…)
24 июля в селе Денисовка прокуратура района вместе с отделом соцзащиты провели очередную правовую акцию.…
This website uses cookies.