Аудандық мансап орталығының ақпараты бойынша өңірде жүк көлігінің жүргізушілері, ветеринар дәрігерлер, бастауыш сынып мұғалімдері, мектеп психологтары, бухгалтерлер аса қажет.
Осы аталған мамандық түрлері дәл қазіргі күні тапшы және кадр құрамын жедел толықтыруды талап етуде.
«Кадр тапшылығын шешу үшін биыл жас мамандар үшін Денисов ауданында тұрғын үй құрылысын жалғастыру қарастырылған,-деді аудандық мансап орталығының директоры Ерлан Құлжанов.
Сондай-ақ ауданда мемлекеттік қызмет саласы бойынша 23 бос лауазым орны бар. Мәселен, жұмылдыру дайындығы, терроризмнің алдын алу және төтенше жағдайлар бөлімінде, тұрғын үй инспекциясында, кәсіпкерлік және ауыл шаруашылық бөлімінде, экономика және қаржы бөлімінде, қаржы-шаруашылық қамтамасыз ету және ақпараттық технологиялар бөлімінде, ұйымдастыру-бақылау жұмысы және құжаттамалық қамтамасыз ету бөлімінде, әкім аппаратында, Аршалы, Денисов, Красноармейский ауылдық округтері әкімдіктерінің аппаратында бас маман лауазымдары бос тұр. Сонымен қатар тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы және әкімнің көмекшісі сияқты лауазымдар бос. Бұл бос жұмыс орындары ауданда білікті мемлекеттік қызметшілердің, әсіресе экономика, ауыл шаруашылығы, инженерлік, заңгерлік және әкімшілік жұмыс тәжірибесі бар мамандардың қажеттілігін көрсетеді.
Аудандық мансап орталығының директоры Ерлан Аманжолұлынан жас мамандардың неге ауылда еңбек етуге құлықсыз екенін сұрап көрдік. Сала маманының айтуынша қазіргі жас толқын бірқатар объективті және субъективті себептерге байланысты ауылда жұмыс істеуден бас тартады.
– Көптеген ауыл мамандарының жалақысы қалаларға қарағанда айтарлықтай төмен. Бәлкім бұл да жастардың ауылдан гөрі қалада жұмыс істеуіне әсер ететін шығар. «Ауылдың дамуы артта қалған» деген ескі түсінік, стереотип қалыптасқан. Оның өзі жас буынның ауылдан алшақтауына себепкер деп ойлаймын. Бұл қасаң пікірді жоятын уақыт келді. Өйткені қазір ауылда еңбек етіп-ақ мол табысқа, биік мансапқа, үлкен абыройға жетуге болатынын дәлелдеп жүрген мамандар баршылық. Сондықтан, жас түлектерді туған жерімізді түлетуге шақырамын,-деді Ерлан Аманжолұлы.
Қымбат ДОСЖАНОВА
Суретте: бос жұмыс орындарының жәрмеңкесінде
Формирование правового государства и воспитание ответственных, активных граждан — стратегические ориентиры, о которых неоднократно подчеркивает…
Денисов ауданының параспортшысы Светлана Иржанова Жапонияның Аичи-Нагоя қаласында өтіп жатқан Азия Пара ойындарында Қазақстан құрамасының…
В Костанайской области начался пятый сезон Костанайской любительской хоккейной лиги (КЛХЛ). (далее…)
История успеха у каждого своя, но самые вдохновляющие сюжеты всегда рождаются там, где сочетаются верность…
№3 Денисов жалпы білім беретін мектебінің шәкірті Мағжан Асқар болашағынан зор үміт күттіретін спортшы жас.…
Денисов ауданында медицина ұйымдарының техникалық-материалдық базасын нығайту жалғасуда. Бұл туралы аудан әкімі халықпен есептік кездесуінде…
This website uses cookies.