Ауданға қарасты Приречен ауылындағы хоккей кортында ескірген жарық шамдардың орнына жаңасын орнатты.
Бұл жұмыс «Таза Қазақстан» республикалық экологиялық акциясының шеңберінде жүргізілді. Оған «Приреченское» ЖШС қаражаты жұмсалды.
Таяуда корттағы барлық жеті шам заманауи үлгідегі жаңа жарықдиодты шамдарға (LED) ауыстырылды. Сондайақ, жарықтандыру желілері де жаңарды. Осы аталған жұмыстарға шамамен екі жүз жиырма мың теңгеге жуық қаражат жұмсалыпты.
Приречен ауылдық округінің әкімі Владимир Борисовтың айтуынша, биыл көшелердің шамдарын жаңартуға басымдық беріліп отыр.
Биыл Приречен және Окраинка ауылдарында көшедегі ескі шамдарды жаңа жарықдиодты шамдарға (LED) жаппай ауыстырамыз. Осы мақсат үшін бюджеттен Приречен ауылына 8,2 млн теңге, Окраинка ауылына бес млн теңгедей қаражат бағытталмақ. Жаңа жарықдиодты шамдардың ескіден артықшылығы мол. Біріншіден, ескі шамдар электр қуатын тым көп тұтынады. Екіншіден, жанып кетсе қайта қалпына келмейді. Ал, заманауи үлгідегі LED шамдар әлдеқайда жарқырап тұрады, ұзаққа жарамды және электр қуатын аз жұмсайды. Сондықтан, ескіні үнемді шамдарға ауыстырудамыз, деді Владимир Борисов.
Аталған екі ауылдың көшелерінде қазіргі күні елу үш жарық шамы бар. Биыл сол ескі шамдар жаңа жарықдиодты шамдарға ауысып, көшелер одан әрі жарқырай түспек. Ал ескірген шамдар қайта өңдеуге жіберіледі. Қазіргі күні тендер ойнатылған жоқ. Сол себепті бұл жұмыстармен қандай ұйымның айналысатыны әзірге белгісіз. Ауыл көшелерінің шамдарын жаңартумен кімнің айналысатыны жылдың екінші тоқсанында нақты анықталмақ.
Приречен және Окраинка ауылдарында көшелерді жарықтандыру жұмыстары күн тәртібінен түскен емес. Бүгінде көшелер жарқырап тұрғанымен, үнемді шамдарды тұтыну туралы да естен шығармаған жөн. Сондықтан, жауапты мамандар электр қуатын тиімді пайдалануды ескеру керегін айтуда.
Қымбат ДОСЖАНОВА
Қарасуда облыстық және республикалық маңызы бар жолдардың бойында орналасқан ауылдардың санитарлық тазалығына ерекше мән берілуде.…
Айнұр мен Нұржан Омаровтар еліміздің оңтүстік өңірінен солтүстік облыстарға өз еркімен көшу бағдарламасымен 2020 жылы…
Кеше қатысушыларды күтіп алып, орналастыру жұмыстары жүрді. (далее…)
Биыл «Ауыл – ел бесігі» жобасы шеңберінде Денисов ауданының бес ауылында ішкі көшелер жөнделуде. (далее…)
Перелески ауылының тұрғыны Ерсарин Әбілбек жуырда Ақмола облысының Атбасар қаласында өткен асыл тұқымды қой көрмесіне…
Жобаға барлығы 60 адам қатысты. Алыс ауылдардан жиналған кіл белсенді, оқуда озат, еңбекте табысты ұл-қыздар…
This website uses cookies.