Денисов ауданының қойшысы республикалық байқауда 1-орын алды
Перелески ауылының тұрғыны Ерсарин Әбілбек жуырда Ақмола облысының Атбасар қаласында өткен асыл тұқымды қой көрмесіне қатысып, республикалық деңгейдегі байқауда 1-орын алды.
“Атбасар” ипподромының аумағында “асыл тұқымды және етті тұқымды қойлар” көрмесі өткен болатын. Сол көрмеге Солтүстік Қазақстан, Ақмол облысы, Көкшетау, Павлодар, Қарағанды, Қостанай облыстарының қойшылары қатысып, асыл тұқымды қойларын таныстырды. Біздің аймақтан Денисов ауданындағы Перелески ауылының тұрғыны, тәжірибелі шаруа Ерсарин Әбілбек барып, асыл тұқымды екі қошқар мен бір қозысын апарды. Байқауда қойдың бойы мен салмағы, пошымы сарапқа салынды. Барлық талаптар бойынша Ерсарин ағаның қошқары үздік деп танылды. Осылайша сайыстың бас жүлдесі бұйырды.
«Қой бағу менің хоббиім. Әкем де кезінде қой баққан. Атадан қалған кәсіпті біз жалғастырушымыз. Мықты шаруалардан асыл тұқымды қойлардың қозыларын сатып алып, баптаймын. Әкем Еділбай тұқымын баққан. Мен 2014 жылдан бері гиссар, байсары, арашан, шымкенттік гиссар, тәжік гиссары тұқымдас қойларды ұстаймын. Көпжылдық еңбектің арқасында баққан төлдерім үздік деп танылып, жоғары марапатқа ие болуда»,-деді әуесқой қойшы Ерсарин Әбілбек.
Қымбат ДОСЖАНОВА
Много сидишь в социальных сетях? Тогда читай полезные новости в группах "Qostanai.Media" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-701-031-72-31